தாய்மொழிக் கல்விக் குறித்து நசுரி எவ்வித கருத்தும் தெரிவிக்க வேண்டாம் என நமது தேசிய தலைவர் வலியுறுத்தினார்.

தாய்மொழிக் கல்விக் குறித்து நசுரி எவ்வித கருத்தும் தெரிவிக்க வேண்டாம் என நமது தேசிய தலைவர் வலியுறுத்தினார்.

கோலாலம்பூர்- பிப்-25, தாய்மொழிப்பள்ளிகள் மீது கையை வைப்பதானது நெருப்பிலே கண்ணைக்கட்டிக்கொண்டு  குதிப்பதற்கு ஒப்பாதாகும். அதுவும், அரசியல் அமைப்புச்சட்டத்திற்கு இப்படிப்பட்ட கருத்துகள் முரணானதாகும் என்று முன்னாள் அமைச்சரும் அம்னோவின் முன்னணித் தலைவர்களில் ஒருவருமான டான்ஸ்ரீ நசிரி உணரவேண்டுமென்று மஇ கா தேசியத்தலைவர் டான்ஸ்ரீ எஸ்.ஏ. விக்னேஸ்வரன் கேட்டுக்கொண்டுள்ளார்.

 

அவர் மேலும் தமதறிக்கையில்; இந்த நாட்டுக்கான அரசியல் சட்டம் உருவானபோது,  பல்வேறு விவாதங்களுக்கு இடையேதான் ஏற்றுக்கொள்ளப்பட்டதுஅதில் மலாய்க்கார்களுக்கான சிறப்புரிமையும் அடங்கும்! அந்த அடிப்படையில் தேசிய மொழிக்கும், மலாய் பண்பாட்டிற்கும் எப்படி உத்தரவாதம் அளிக்கப்பட்டுள்ளதோ, அதேபோன்றுதான்; இந்நாட்டில் வாழ்கிற சிறுபான்மை இனங்களின், தாய்மொழிக் கல்விக்கும், அவரவர் சமயப் பண்பாட்டிற்கும் நெறிப்படுத்தப்பட்ட அரசியல் சாசனம் வழிவகுத்திருப்பதால் நசிரி போன்றவர்கள் அதை அறிந்திருந்தும் பொறுப்பற்று பேசக்கூடாது என்றார் விக்னேஸ்வரன்.

குறிப்பாக தமிழ்ப்பள்ளிக்கூடங்கள் இங்கு 200 ஆண்டுகளுக்கு முன்பிருந்து அடையாளப்படுத்தப்பட்டு வருகின்றன; இந்தியர்களின் வருகையும் 1675 லிருந்து துவங்குகிறது,

அதனால் இந்தியர் வருகை  இன்று கேள்வியாக்கப் படுமேயானால், அதையொட்டி ஜவா, சுமத்ரா, புருணை, இந்தோனேசிய உள்ளிட்ட வருகையாளர்களும் கேள்வியாக்கப்படமாட்டார்கள் என்று சொல்ல முடியாது, அதனால் நமக்கு இன்றைய சூழ்நிலையில் அது முக்கியமல்ல; கடந்த காலங்களில் நாடு இரண்டு அனைத்துலகப் போர்களைச் சந்தித்தும் பல உள்நாட்டுக் குழப்பங்களையும் சந்தித்து இன்று பல இனங்கள் கூடிவாழவும்

பரஸ்பர அன்பை வெளிப்படுத்துவமான புதிய மலேசிய யுகத்தில் நாம் இருப்பாதால் நசிரி போன்றத் தலைவர்கள் வெளியிடுகின்ற எந்த கருத்தாகயிருந்தாலும் பொறுப்புணர்ச்சியோடு இருப்பது அவசியமென்று ம இ கா கருதுவதாக டான்ஸ்ரீ விக்னேஸ்வரன் தமது அறிக்கையில் இன்று தெளிவுப்படுத்திள்ளார்.

Do not resort to outdated political play said MIC Youth Chief

Do not resort to outdated political play said MIC Youth Chief

MIC Youth refers to the Malaysiakini report on 24.02.2019. which claim among other things that the BN Secretary General Datuk Seri Nazri Aziz in his speech called for closure of vernacular schools if Malay privileges are challenged. Nazri was also reportedly questioned the appointment of non-Malays as Attorney General, Chief Justice and Finance Minister and said that Malay rights should be defended at all costs.

We strongly believe that such a statement by a senior politician whom in the past occupied various important portfolios in the Malaysian Cabinet is regretful, uncalled for and very outdated notwithstanding that the speech was delivered during an election campaign.

The provisions related to Malay privileges are iron clad in the Federal Constitution and protected by the Malay rulers. The Federal Constitution also protects the legitimate rights of Non-Malays which includes the right for mother tongue education.

The Federal Constitution does not prohibit appointment of Non-Malays as Attorney General, Chief Justice and Finance Minister. Therefore these appointments which was welcomed by Malaysians must be viewed critically based on performance and not by skin color.

There has been no reports of Non-Malays questioning the special privileges. So, we could not fathom why Nazri need to resort to such a speech? Too long such issues has been played by irresponsible politicians to stay relevant. However, the current Malaysian society have shown that it is striving for politics of integrity, unity and progress. The brand of politics which is being carried by Datuk Seri Nazri Aziz have been evidently rejected by Malaysian voters.

Therefore, we call upon our colleagues in Barisan Nasional to return to politics of unity and progress. We need work together for a better Malaysia by winning the heart and mind of all Malaysians.

Thinalan T. Rajagopalu
National Youth Leader
Malaysian Indian Congress

செமினியில் 3000 இந்திய வாக்காளர்களை மஇகா வென்றெடுக்கும்! – டத்தோ அசோஜன் நம்பிக்கை

செமினியில் 3000 இந்திய வாக்காளர்களை மஇகா வென்றெடுக்கும்! – டத்தோ அசோஜன் நம்பிக்கை

 செமினி சட்டமன்ற இடைத்தேர்தலில் 3,000 இந்திய வாக்காளர்களை தேசிய முன்னணிக்கு கொண்டு வரும் நடவடிக்கையில் மலேசிய இந்திய காங்கிரஸ் (மஇகா) ஈடுபட்டுள்ளது. இதுவரையில் ஆயிரத்திற்கும் அதிகமான வாக்காளர்களை சந்தித்து விட்டோம் அதனால் தேசிய முன்னணி இம்முறை கணிசமான அளவு இந்திய வாக்காளர்களின் ஆதரவைப் பெறும் என மஇகாவின் நிர்வாக செயலாளர் டத்தோ அசோஜன் நம்பிக்கை தெரிவித்தார்.
செமினி சட்டமன்றத் தொகுதியை பொறுத்தவரையில் உயர்மட்ட தலைவர்களில் இருந்து அடிமட்ட தொண்டர்கள் வரை அனைவரும் ஒன்றிணைந்து வெற்றிக்காக பாடுபடுகிறார்கள் என அவர் கூறினார். கட்சியின் தேசிய தலைவர் டான்ஸ்ரீ விக்னேஸ்வரன் தலைமையில் ஒரு குழு அமைக்கப்பட்டு, இந்த தேர்தல் நடவடிக்கைக்கு தலைமை பொறுப்பை ஏற்றிருக்கிறார் துணைத் தலைவர் டத்தோ ஸ்ரீ மு.சரவணன். கட்சியின் 3 உதவி தலைவர்களான டத்தோ டி மோகன், டத்தோ சிவராஜ் சந்திரன், டத்தோ முருகையா ஆகியோர் தலா நான்கு குழுவிற்கு தலைமை ஏற்று உள்ளார்கள்.

செமினி வட்டாரத்தில் உள்ள இந்திய வாக்காளர்களை தனித்தனியாக சந்தித்து  அவர்களின் ஆதரவை திரட்டி வருகிறோம் என குறிப்பிட்டார். ம இ கா தலைமையகத்தை பொருத்தவரையில் செமினியில் மட்டும் மஇகாவின் உறுப்பினர்கள் மொத்தம் 3,000 ஆயிரம் வாக்காளர்கள் இருக்கிறார்கள். அவர்களின் மொத்த ஓட்டுக்களையும் தேசிய முன்னணிக்கு கொண்டு வரும் நடவடிக்கையில் ஈடுபட்டு இருப்பதாகவும் அவர் குறிப்பிட்டார்.

கடந்த காலத்தைப் போல் இல்லாமல் இப்போது மக்கள் தெளிவான நிலையில் இருக்கின்றார்கள். 14ஆவது பொதுத் தேர்தலில் வெற்றி பெற வேண்டும் என்ற ஒரே நோக்கத்தில் செயல்படுத்த முடியாத வாக்குறுதிகளை வழங்கி மக்களை நம்பிக்கை கூட்டணி ஏமாற்றி இருக்கிறது என்பதை மக்கள் உணர்ந்து இருக்கின்றார்கள். இதை நேரடியாக அவர்களை சந்தித்து வாக்கு சேகரிக்கும் போது அறிந்து கொண்டதாகவும் அசோஜன் கூறினார். சுங்கச் சாவடி அகற்றப்படும், பெட்ரோல் விலை 1. 50 காசாக நிலைநிறுத்தப்படும், கல்விக்கடன் உதவி ரத்து செய்யப்படும் என்ற நம்பிக்கைக் கூட்டணியின் வாக்குறுதிகள் இளைய சமுதாயத்தை வெகுவாக கவர்ந்தது. ஆனால் இப்போது எந்த ஒரு வாக்குறுதியும் நிறைவேற்ற முடியாமல் நம்பிக்கை கூட்டணி இருப்பதால் இளைஞர்களும் அந்த அரசின் மீது நம்பிக்கை இழந்துள்ளனர் என்றார் அவர்.

இத்தொகுதியை பொறுத்தவரை  தேசிய முன்னணி அனுபவம் பெற்ற தரமான வேட்பாளரை களமிறக்க இருப்பதால் வெற்றி பெறுவதற்கான வாய்ப்புகள் மிக சிறப்பாக உள்ளது என அசோஜன் கூறினார். தேர்தல் நடவடிக்கை குழு அறையில் நடைபெற்ற செய்தியாளர் சந்திப்பு கூட்டத்தில் சிலாங்கூர் மாநில மலேசிய இந்திய காங்கிரஸ் தலைவர் எம்.பி.ராஜா, உலு லங்காட் தொகுதி தலைவர் டாக்டர் செல்வா, துணைத்தலைவர் ராசசெல்வம், செயலாளர் டத்தோ மதுரைவீரன், பொருளாளர் பன்னீர்செல்வம், மத்திய செயலவை உறுப்பினர் குணசீலன், மதுரைவீரன் மாரிமுத்து உட்பட பலர் கலந்து கொண்டனர்.

செனட்டர்களின் ஒரு தவணை பதவிக்காலத்தை 5 ஆண்டுகளாக அதிகரிப்பீர்.

செனட்டர்களின் ஒரு தவணை பதவிக்காலத்தை 5 ஆண்டுகளாக அதிகரிப்பீர்.

செனட்டர்களின் பதவி காலத்தை நீடிப்பது பற்றி ஆய்வு நடத்தும் படி நாடாளுமன்ற மேலவை தலைவர் டான்ஶ்ரீ எஸ்.ஏ.விக்னேஸ்வரன் செனட் மருமலர்ச்சி குழுவை வலியுருத்தினார். அதே சமயத்தில் மாநிலங்களைப் பிரதிநிதித்து நியமனம் செய்யப்படும் செனட்டர்களின் எண்ணிக்கையை அதிகரிக்கும்படியும் அவர் கேட்டுக் கொண்டார்.

செனட்டர்கள் மனசாட்சிக்கு கட்டுப்பட்டு குரல் எழுப்ப அனுமதிக்க வேண்டும் என்று அவர் அறிவுறுத்தினார். அதற்கு அவர்களது தற்போதைய மூன்று ஆண்டு கால தவணை ஐந்தாண்டுகளாக அதிகரிக்கப்பட வேண்டும். இந்த அதிகரிப்பு இல்லை என்றால் முழு ஓய்வூதியம் கிடைக்காது என்று டான் ஶ்ரீ தெரிவித்தார்.

ஒரு செனட்டரின் ஒரு தவணை கால அவகாசம் 5 ஆண்டுகளாக அதிகரிக்கப்பட்டால் அவர்களுக்கு முழு ஓய்வூதியம் கிடைப்பதற்கு உத்தரவாதம் உண்டு. அதேவேளையில், செனட்டர்களும் நடப்பு விவகாரங்களை தைரியமுடன் பேசுவார்கள் எனவும் செனட் மறுமலர்ச்சி வட்டமேஜை கலந்துரையாடலை அதிகாரப் பூர்வமாக தொடக்கி வைத்து பேசுகையில் அவ்வாரு கூறினார்.

தற்போது ஒரு செனட்டரின் கால் அவகாசம் 1 தவணைகு 3 ஆண்டுகளாகும் என்பதால் அவர்கள் முழுமையான ஓய்வூதியம் பெற மேலும் ஒரு தவணைக்கு நீடிக்கப்பட வேண்டும் என்ற சூழல் அமைகிறது. ஆனால் நீடிக்கப்படுவார்களா என்பது வெள்ளிடைமலையாகும்.

மேலும், ஒவ்வொரு மாநிலத்தில் இருந்து 2 செனட்டர்கள் நியமிக்கப்படுகின்றனர் என்றும் எஞ்சியவர்கள் மாமன்னரால் நியமனம் செய்யப்படுகின்றனர் என்ற டான்ஶ்ரீ இனி வரும் காலங்களில் இவ்வெண்ணிக்கை 3-ஆக உயர்த்தப்பட வேண்டும் என பரிந்துரைத்தார்.

செமினி தோட்டத் தமிழ்ப்பள்ளியின் நிலத்தை ஒப்படையுங்கள்! பொதுமக்கள் கோரிக்கை

செமினி தோட்டத் தமிழ்ப்பள்ளியின் நிலத்தை ஒப்படையுங்கள்! பொதுமக்கள் கோரிக்கை

செமினி, பிப். 14-

செமினி தோட்டத் தமிழ்ப்பள்ளிக்கு சொந்தமான திடலை பள்ளியிடமே ஒப்படைக்க வேண்டுமென்பதை வலியுறுத்தி அப்பள்ளியின் பெற்றோர்கள் இன்று வியாழக்கிழமை அமைதி மறியலில் ஈடுபட்டனர். இதில் அப்பள்ளியின் முன்னால் பெற்றோர் ஆசிரியர் சங்கத் தலைவர் டத்தோ மதுரைவீரன், மலேசிய இந்திய காங்கிரசின் துணைத் தலைவர் டத்தோஸ்ரீ சரவணன் ஆகியோரும் கலந்து கொண்டனர்.

செமினி தோட்டத் தமிழ்ப்பள்ளியின் நிலத்தை அவளிடமே ஒப்படைக்க வேண்டும் என்ற நடைமுறையை கடந்த காலத்தில் தேசிய முன்னணி அரசு முன்னெடுத்ததாக டத்தோ சரவணன் நினைவுகூர்ந்தார். இந்த விவகாரம் தொடர்பில் செமினி தோட்டத் தமிழ்ப்பள்ளியின் திடலின் நிலத்திற்கு சொந்தமான சைம் டார்பி நிறுவனத்திடமும் கடந்த அரசு பேச்சு நடத்தியதாக அவர் குறிப்பிட்டார்.

ஆனால் இப்பொழுது 14ஆவது பொதுத் தேர்தலுக்குப் பிறகு மத்தியில் நம்பிக்கை கூட்டணி ஆட்சி அதிகாரத்தை கைப்பற்றி உள்ளது அதனால் தமிழ்ப்பள்ளியின் திடல் நிலத்தை அப்பள்ளிக்கு பெற்றுத் தருவது தற்போதைய அரசாங்கத்தின் மிகப்பெரிய கடமை என்பதையும் சரவணன் சுட்டிக்காட்டினார். செமினியில் தற்போது இடைத்தேர்தல் நடக்கிறது இந்த தேர்தலுக்கு முன்னதாக செமினி தோட்டத் தமிழ்ப்பள்ளியின் பிரச்சனைக்கு தீர்வு காண வேண்டியது அவசியம் என டத்தோஶ்ரீ சரவணன் வலியுறுத்தினார்.

மலேசிய இந்திய காங்கிரசின் நடவடிக்கையால் செமினி தோட்டத் தமிழ்ப்பள்ளிக்கு முதலில் 6 வகுப்பறைகள் கட்டப்பட்டன. அதோடு மூன்று கணினி அறைகளும் அமைக்கப்பட்டது. பின்னர் 12 கூடுதல் வகுப்பறைகள் கட்டப்பட்டன. இவை அனைத்தும் தமிழ் பள்ளியின் வளர்ச்சிக்கு பெரிதும் துணைபுரிந்தது என டத்தோ மதுரைவீரன் கூறினார்.

ஒவ்வொரு ஆண்டும் செமினி தோட்டத் தமிழ்ப் பள்ளியில் படிக்கும் மாணவர்களின் எண்ணிக்கை அதிகரித்துக் கொண்டே வருவதால் இங்கு படிக்கும் மாணவர்களுக்கு திடல் மிக அவசியமாக கருதப்படுகிறது. அதன் அவசியத்தை அறிந்து கொண்டு மாநில, மத்திய அரசாங்கம் பிரச்சனைக்கு உடனடி தீர்வு காண வேண்டும் என அவர் கேட்டுக் கொண்டார். இந்த விவகாரத்தை தொடர்ந்து முன்னெடுத்து கொண்டிருக்க முடியாது. உடனடியாக தீர்வு காண்பது தான் மக்களுக்கான சேவை என்பதையும் அவர் வலியுறுத்தினார். இதில் மஇகா உதவித் தலைவர் டத்தோ முருகையா, பேரா மாநில தலைவர் டத்தோ இளங்கோ, இளைஞர் பிரிவுத் தலைவர் தினாளன் உட்பட பலர் கலந்து கொண்டார்கள்.

http://www.anegun.com/?p=28890

நம்பிக்கை கூட்டணியின் வாக்குறுதிகளை செமினி மக்கள் நம்பக்கூடாது! 2 காரணங்களை முன்வைக்கிறார் தினாளன்

நம்பிக்கை கூட்டணியின் வாக்குறுதிகளை செமினி மக்கள் நம்பக்கூடாது! 2 காரணங்களை முன்வைக்கிறார் தினாளன்

கோலாலம்பூர், பிப். 14-

நடப்பு அரசாங்கத்தில் தற்பொது அமர்ந்திருக்கும் தலைவர்கள் ஒரு காலத்தில் வாக்குறுதிகளை அள்ளித் தெளித்து மக்களிடம் வானிலிருந்து மண் வரை அனைத்தையும் காட்டி, மாயை ஏற்படுத்தி ஆட்சியில் அமர்ந்தார்கள். ஆனால் அவர்களின் வர்ணம் வெளுக்க ஆரம்பித்து விட்டது என மஇகா இளைஞர் பிரிவுத் தலைவர் வழக்கறிஞர் தினாளன் ராஜகோபால் கூறியுள்ளார்.

அதில் இரண்டு சம்பவங்களை எடுத்துக்காட்டாக் எடுத்துக்கொள்ளலாம். முன்னர் எதிர்கட்சியாக இருந்தப் பொழுது திருமதி இந்திராகாந்தியின் பிள்ளை வளர்ப்பு வழக்கை எடுத்து வாதிட்டு வந்த அமைச்சர் குலசேகரன் தற்போது அவ்வழக்கை தம்மால் மேற்கொண்டு வழி நடத்த இயலாது எனவும் இவ்வழக்கில் இனிமேலும் தலையீடக்கூடாது என அறிவுரைக்க பட்டது எனவும் தெரிவித்துள்ளார்.

திருமதி இந்திராகாந்தியின் வழக்கு இன்னும் தீர்க்கபடாமல், அவரிடம் பிள்ளை ஒப்படைக்கபடாமல் இருக்கும் தருவாயில் தன்னை நம்பி வந்த வழக்கை இப்படி நடுவழியில் விடலாமா? அவர் ஒரு வழக்கறிஞர் என்கிற முறையிலும் அமைச்சர் எனும் வகையிலும் தனது அதிகாரத்தை பயன்படுத்தி மிகவும் சுலபமாக இவ்வழக்கை முடிவுக்கு கொண்டுவரலாம் என தினாளன் குறிப்பிட்டார்.

ஆனால் தனது அரசியல் வாழ்க்கைகாகவும் பதவியை தற்காக்கவும் இவ்விசயத்தில் பின்வாங்கியுள்ளார் என்று அப்பட்டமாக தெரிகிறது. இவர்தான் இப்படி என்றால் இவருடன் இருக்கும் பிற இந்திய பிரதிநிதிகள் யாராவது இவ்விவகாரத்தில் வாயை திறந்தார்களா? ஆட்சி பயம் அவர்களை அமைதியாக்கியுள்ளது என அவர் சாடினார்.

இன்னொரு உதாரணம் கெட்கோ விவகாரம். தேசிய முன்னணி ஆட்சி காலத்தில் பிஎஸ்எம் கட்சியுடன் உடன் இணைந்து நாங்களும் நியாயம் கிடைக்குவரை போராடுவோம் என்று வீரமுழக்கமிட்ட நடப்பு தலைவர்களும் நெகிரி செம்பிலான் நடப்பு அரசாங்க தலைவர்களும் இரு நாட்களுக்கு முன் அதே பிஎஸ்எம் மாநில முதல்வர் கட்டடதிற்கு முன் நடத்திய போராட்டத்தில் காணவே இல்லை. ஆக அன்று இவர்களின் போரட்டத்தில் கலந்துக் கொண்டது அனைத்தும் ஒரு நாடகம்தானே?

அப்பொழுது இருந்த அரசாங்கத்தை எதிர்த்து செயல்பட எந்த ஒரு வாய்ப்பு இருந்தாலும் அதை தவறவிடாது பயன்படுத்திக் கொண்டு இன்று ஆட்சிக்கு வந்த பிறகு நாற்காலியை தற்காக்க சமுதாய பிரச்சனைகளை உதாசிணம் படுத்தும் இவர்களா நமக்காக போராட போகும் தலைவர்கள் ?

இவர்களை வைத்து “ஆட்சிக்கு முன், ஆட்சிக்கு பின்” என்று ஒரு உள்நாட்டு படமே எடுக்கலாம் என்று தோன்றுகிறது. இன்னும் ஆட்சிக்கு வந்து 9 மாதங்களிலே இப்படி அஞ்சி அடங்கி வாழும் தலைவர்களை நம்பி செமினி மக்கள் தங்கள் எதிர்காலத்தை அடக்கு வைக்க போகிறார்களா?

வருகின்ற இடைத்தேர்தலில் செமினி மக்கள் தங்களது எதிர்ப்பபை குறைந்த அளவிலாவது பதிவு செய்தால்தான், அது நமது சமுதாயத்திற்கு சேவை செய்ய இந்த வாய்ச்சவடால் தலைவர்களை தள்ளும் என்பதை நினைத்துப்பார்த்து செமினி மக்கள் தேர்ந்தெடுக்க வேண்டும் என தினாளன் ராஜகோபால் வலியுறுத்தினார்.